PrácTICa 03: Que uso lle das ao ordenador e ao móbil?

A pesar de que ambos estiveron presentes desde a miña infancia, o uso que lle dou ao ordenador respecto ao móbil é maior.
A diferencia do móbil, ao ordenador doulle principalmente un uso académico posto que nel é moito máis práctico realizar presentacións e investigacións dunha maneira moito máis sinxela, práctica e rápida que se o tivéramos que facer desde os nosos móbiles.

Ademais, a través del tamén descargo e vexo todas as películas e series, e diversos xogos online, que son algunhas das cousas nas que emprego o meu tempo libre.
Aínda que non é algo que poida ter sempre ao meu alcance polas súas dimensións, e darlle o uso que necesite, en caso de contar con tempo de lecer úsoo bastante máis que o móbil.

Ao móbil doulle un uso máis limitado, cando non me encontro na casa e non podo ter acceso a un ordenador. Desde el comunícome cos amigos e familiares (principalmente a través de WhatsApp), reviso a diario as redes sociais (Instagram, Facebook, Snapchat), ou para ver vídeos que descarguei anteriormente no ordenador. Ademais, con el saco fotos e vídeos para recordar todas as experiencias vividas, que despois subo a Google Fotos para poder velas e ordenalas desde o ordenador, e deste xeito                                                                                             tampouco me ocupan almacenamento do teléfono.

Aínda que uso máis o ordenador que o móbil, non o condidero máis nin menos importante, senón que creo que os dous son imprescindibles no noso día a día. Resultaríanos imposible vivir sen eles se, de repende, deixaran de existir, pois son os que van marcando o avance da tecnoloxía, e a través deles podemos facer practicamente todo. Ás veces, non nos paramos a pensar neso e non lle damos importancia porque sempre tivemos á nosa man a opción de obter todo tipo de información en cuestión de segundos, pero fai uns poucos séculos non había practicamente nada desto e cada un tíñase que valer dos seus propios medios para obter o necesario. Debemos ser conscientes que, grazas a eles, temos todo ao noso alcance, aínda que isto pode chegar a ser perigoso ou causar adición a ambas, que conleva a aislarnos do que nos rodea.

Desde o meu punto de vista, ambos son imprescindibles; sen embargo, co paso dos anos o móbil estase a utilizar cada vez máis, incluso hai moitas persoas que non saben usar un ordenador polo feito de que lles parece moito máis complexo, aínda que realmente non é así. Si é certo que o móbil o temos máis a nosa disposición polo pequeno tamaño que ten, pero cun ordenador podemos levar a cabo moitas máis cousas e de forma moito máis rápida e eficaz.
A primeira vez que estiven fronte a un ordenador foi aos 8-9 anos, sempre me gustou facer todo desde el, incluso cando tiven o meu primeiro móbil, 3-4 anos despois, seguía preferindo o ordenador.
Un dato curiosoé que tanto o ordenador como o móbil fixeron que prescindira por completo da televisión, pois as noticias e as series míroas e descárgoas desde eles.

Aínda que no curso anterior non contei con esta asignatura, sempre me chamou a atención porque a considero distinta a todas as demais. Principalmente, gustaríame aprender algo sobre programación, así como tamén seguir traballando con programas de retocado de imaxes, xa que me parece un tema moi entretido.